وزیر اعلیٰ پنجاب مریم نواز شریف کے احکامات کی روشنی میں مسافروں کو ریلیف کی فراہمی کے لئے اقدامات جاری،سپیشل ٹیم نے زائد کرایہ وصول کرنے والوں کے خلاف تادیبی کاروائیاں

لیہ(نمائندہ لیہ ٹی وی)وزیر اعلیٰ پنجاب مریم نواز شریف کے احکامات کی روشنی میں مسافروں کو ریلیف کی فراہمی کے لئے اقدامات جاری ہیں۔ ڈپٹی کمشنر امیرا بیدار کی ہدایت پر اسسٹنٹ سیکریٹری آر ٹی اے فرخ بھٹی کی ٹیم کے ہمراہ مختلف روٹس پر ناکہ بندی کی۔ سپیشل ٹیم نے مسافروں سے کرایہ بابت استفسار کیا اور ٹکٹ بک بھی چیک کی۔ اسسٹنٹ سیکریٹری آر ٹی اے نے بتایا کہ چیکنگ کے دوران مختلف سواریوں کو 19 ہزار روپے وصول کیا گیا زائد کرایہ واپس کروا دیا گیا ہے۔ انہوں نے بتایا کہ طے شدہ کرایہ پر عملدرآمد کے لئے کارروائی جاری رہے گی۔