وزیراعلی پنجاب کی ہدایت پر عوام کو صحت کی بہترین سہولیات کی فراہمی کے سلسلہ میں دور درازدیہی علاقوں کے مراکزصحت کے اچانک معائنوں کا سلسلہ جاری

لیہ(نمائندہ لیہ ٹی وی)وزیراعلی پنجاب کی ہدایت پر عوام کو صحت کی بہترین سہولیات کی فراہمی کے سلسلہ میں دور درازدیہی علاقوں کے مراکزصحت کے اچانک معائنوں کا سلسلہ جاری ہے ۔ اس سلسلہ میں ڈپٹی ڈسٹرکٹ ہیلتھ آفیسر چوبارہ ڈاکٹرطاہر افتخارچوہدری نے بی ایچ یو 366ٹی ڈی اے رفیق آباد کا معائنہ کیا۔انہوں نے اس موقع پرصفائی ستھرائی ،ایم اوز اور دیگر سٹاف کی حاضری ،ادویات وعلاج کی دستیابی ،حفاظتی ٹیکہ جات کی آؤٹ ریچ سروسز ،لیبر روم کی فعالیت، فیملی پلاننگ اور او ٹی پی سروسز ودیگر امورکا جائزہ جس پر تمام طبی خدمات بہترین طریقہ سے انجام دی جارہی تھی ۔ ڈپٹی ڈسٹرکٹ ہیلتھ آفیسر چوبارہ ڈاکٹرطاہر افتخارچوہدری نے انچارچ ودیگر سٹاف کوشاباش دیتے ہوئے اسی طرح خدمات انجام دینے کی ہدایت کی۔