لیہ(نمائندہ لیہ ٹی وی )وزیراعلیٰ پنجاب مریم نواز شریف کے ویژن کے مطابق ستھراءپنجاب مہم میں تیزی آگئی ۔ڈپٹی کمشنر امیرا بیدار نے اس سلسلہ میں چوک اعظم و تحصیل چوبارہ کادورہ کیا۔اس موقع پرایڈیشنل ڈپٹی کمشنر جنرل شبیر احمدڈوگر،اسسٹنٹ کمشنر حارث حمیدخان ،ڈپٹی ڈائریکٹرڈویلپمنٹ کامران جاویدہمراہ تھے۔ڈپٹی کمشنر امیرا بیدار نے تجاوزات کے خاتمے، ریڑھی بازار کامعائنہ،سڑکات پر نشانات کے معائنہ ودیگرامورکے جائزہ لیا۔ڈپٹی کمشنر نے کہاکہ ضلع میں ستھراءپنجاب مہم کامیابی سے جاری ہے تمام افسران مہم کے ثمرات شہریوں تک پہنچانے کے لیے مزید محنت کریں ۔انہوں نے کہاکہ اسلام میں صفائی کو نصف ایمان کہاگیا ہے جس سے صفائی کا اہمیت واضح عیاں ہے ۔انہوں نے کہاکہ ہماری ڈیوٹی کا بنیادی فریضہ شہریوں کو ہرممکن آسانی فراہم کرنا ہے د ستیاب وسائل میں عوام کو صفائی ستھرائی، سیوریج اور نکاسی آب کی سروس پہنچانا اولین ترجیح ہونی چاہئے متعلقہ افسران عوام کی خدمت کا فریضہ ایمانداری سے انجام دیں۔انہوں نے کہاکہ ضلع کو صاف ستھراءبنانے کے لیے ضلعی انتظامیہ ہرممکن اقدامات اُٹھارہی ہیں تاہم اس ضمن میں عوام کاکردار بنیادی اہمیت کا حامل ہے شہری بھی اپنے ماحول کوصاف ستھراءبنانے کے لیے اپنا کردار موثر ادا کریں دوکاندار ،ریڑھی والے افرا د تجاوزات نہ کریں تو ضلعی انتظامیہ بھی ان کے خلاف ایکشن نہیں لے گی انہوں نے کہاکہ یہ امر انتہائی افسوس ناک ہے کہ رکھے گئے کوڑا کرکٹ ڈرم کے ارد گرد گندکا ڈھیر ہوتا ہے شہری کوڑا کرکٹ ڈرم کے اندر ڈالیں تاکہ اس کو اُٹھانے میں آسانی ہواور کوڑا کرکٹ ادھرادھر بھی نہ پھیلے۔ڈپٹی کمشنر نے کہاکہ ریڑھی بازار ضلع میں ایک منظم طور پرخوبصورتی کا منظر پیش کررہے ہیں اور ایک لائن میں ہیں اس کو اگر قائم رکھاجائے تو ضلع کے لیے ایک مثال ہوگا اور صفائی کی توجہ بھی دوسری جانب گامز ن ہوسکے گی۔ ڈپٹی کمشنر نے اسسٹنٹ کمشنر لیہ حارث حمید خان کو میونسپل کمیٹی چوک اعظم کی حدود میں تجاوزات کرنے والے افراد کے ایکشن لینے کی ہدایت کی
