لیہ(نمائندہ لیہ ٹی وی)وزیراعلی پنجاب مریم نواز شریف کی ہدایت پرضلع بھر میں ستھرا پنجاب مہم تیزی سے جاری ہے ۔ شہریوں کوصفائی مہم میں اپناکردار ادا کرنے کے لیے آگاہی دینے کا سلسلہ بھی جاری ہے۔ا س سلسلہ میں لدھانہ میں ستھرا پنجاب آگاہی سیمینار منعقدہوا۔ایڈیشنل ڈپٹی کمشنر جنرل/فوکل پرسن ستھراپنجاب مہم محمدشبیراحمدڈوگر نے سیمینارسے خطاب کرتے ہوئے کہاکہ ستھراپنجاب پروگرام ایک عوامی پروگرام ہے جس کے اثرات عام شہریوں تک پہنچائے جارہے ہیں بلاامتیاز تمام گلی محلوں کو صاف کیاجارہاہے اس پروگرام کو کامیاب بنانے کے لئے محکمانہ اقدامات کے ساتھ ساتھ عوامی تعاون ناگزیر ہے تاکہ شہری بھی اپنے گاوں ،محلہ صفائی کے بعد صاف رکھ سکیں ۔انہوں نے کہاکہ تمام اہلیان علاقہ ستھراپنجاب پروگرام کا پیغام ہر گلی محلہ تک پہنچائیں تاکہ مشترکہ اقدامات سے مطلوبہ اہداف حاصل ہوسکیں۔سیمینار میں معززین علاقہ کی کثیرتعداد موجودتھی۔
