ملتان(لیہ ٹی وی)چیف ایگزیکٹو آفیسر ویسٹ منیجمنٹ کمپنی عبدالزراق ڈوگر کی ہدایت پر ویسٹ منیجمنٹ کمپنی نے سموگ کے تدارک کیلئے کریک ڈاؤن کا سلسلہ وسیع کردیا ہے اس سلسلے میں کمپنی انفورسمنٹ سیل نے کوڑا کرکٹ کو آگ لگانے پر 20 مقدمات درج کرادیے ہیں جبکہ سموگ میں کمی کیلئے شہر بھر میں بھرپور چھڑکاؤ کا سلسلہ جاری ہے سی ای او عبدالرزاق ڈوگر نے کہا کہ ڈویڑن کے چاروں اضلاع میں آؤٹ سورس ماڈل کے تحت صفائی آپریشن کا آغاز بھی کردیا گیا ہے اس سلسلے میں عبدالرزاق ڈوگر نے شہر کے مخلتف علاقوں کا دورہ کیا اور عملے سے بریفنگ لی سی ای او عبدالرزاق ڈوگر نے کہا کہ سموگ میں کمی کیلئے کوڑا کرکٹ جلانے پر سخت پابندی عائد کی گئی ہے جبکہ ملبہ جات شاہراہوں پر پھینکے والوں کی پراپرٹی سربمہر کرکے بھاری جرمانے عائد ہونگے۔
