ملتان: شہر کی شاہراہوں کی خوبصورتی پر خصوصی توجہ دی جائے۔ ایم ڈی اے کے زیر کنٹرول روڈز کو خوبصورت بنانے کےلئے لین مارکنگ کی جائے۔ ایم ڈی اے کے زیر کنٹرول سڑکات پر تجاوزات کے خلاف بھرپور مہم چلائی جائے۔ روڈ کی حدود میں قائم مسقل تجاوزات کو فوری طور پر مسمار کر کے روڈ کی حدود کو کلیئر کرایا جائے۔ان خیالات کا اظہار سپیشل سیکرٹری ہاؤسنگ جنوبی پنجاب/ڈائریکٹر جنرل ایم ڈی اے رانا سلیم خان نےایم ڈی اے کے ڈائریکٹرز کے ساتھ اجلاس میں کیا ۔ اجلاس میں ایڈیشنل ڈائریکٹر جنرل ایم ڈی اے مس قرات لعین وزیر، ڈائریکٹر فنانس اینڈ ایڈمنسٹریشن ایم ڈی اے شکار عباس بزدار ، ڈائریکٹر انفورسمنٹ فرخ بشیر ڈائریکٹر ٹریفک اینڈ ٹرانسپورٹ پلاننگ راؤ ذکا الرحمن ، ڈائریکٹر ٹاؤن پلاننگ علی رضا ، ڈائریکٹر اربن پلاننگ قصور عباس ، ڈائریکٹر لیگل ارسلان ظفر اور ڈائریکٹر انفارمیشن ٹیکنالوجی محمد حذیفہ شریک تھے۔ڈائریکٹر جنرل ایم ڈی اے رانا سلیم احمد خان نے تمام ڈائریکٹرز کو ہدایت کی کہ موجودہ وسائل کے بہترین استعمال اور آمدن میں اضافہ کے لئے تجاویز تیار کریں ۔انہوں نے مزید کہا کہ تمام ڈائریکٹوریٹ اپنی اپنی استعداد کار میں اضافہ کے لئے اقدامات کریں۔ایم ڈی اے میں آنے والے سائلین کو تیز ترین سروسز مہیا کی جائیں۔ڈائریکٹر جنرل ایم ڈی اے نے ڈائریکٹر انفورسمنٹ ایم ڈی اے کو ہدایت کی کے ملتان شہر میں تجاوزات کے خلاف کاروائیوں میں مزید تیزی لائی جائے ۔ تجاوزات مافیا کی حوصلہ شکنی کے لئے مستقل تجاوزات کرنے والو پر بھاری جرمانے عائد کئے جائیں
