لیہ 21 اگست 2024(لیہ ٹی وی) ضلع بھر میں اتائیوں کے خلاف کریک ڈاؤن شروع کرنے کا فیصلہ ، ڈپٹی کمشنر امیرا بیدار کی زیر صدارت انسداد اتائیت کے سلسلہ میں اجلاس کا انعقاد کیا گیا، اجلاس میں ایڈیشنل ڈپٹی کمشنر ریونیو شاہد ملک ، اسسٹنٹ کمشنر کروڑ لعل عیسن انعم اکرم ، چیف ایگزیکٹو آفیسر ہیلتھ ڈاکٹر شاہد ریاض ،ڈی ایچ او ڈاکٹر غلام محی الدین ب،ڈپٹی ڈی ایچ اوز اور ڈرگ انسپکٹرز بھی اجلاس میں موجودتھے، ڈپٹی کمشنر امیرا بیدار نے اجلاس سے خطاب کرتے ہوئے کہا کہ اتائیت کے خاتمہ کے لئے فوری کریک ڈاؤن شروع کیا جائے۔ ہر فرد کی جان قیمتی ہے اور اتائی کو کسی کی زندگی سے کھیلنے کی چھٹی نہیں دی جا سکتی۔ غیر قانونی کلینکس، لیب اور گھروں میں کلینک کی کوئی گنجائش نہیں۔ ضلع میں بہترین ہسپتال اور صحت سہولیات موجود ہیں۔ عوام علاج معالجہ کے لئے اسپتالوں، مستند ڈاکٹروں سے رجوع کریں۔ سی ای او ہیلتھ ڈاکٹر شاہد ریاض نے اجلاس میں بریفنگ دیتے ہوئے بتایا کہ انسداد اتائیت کے لئے ضلع میں 38 مقامات کا معائنہ کیا گیا۔ معائنہ کے دوران کلینک / مقامات چالان کر کے سیل کئے گئے۔
