بھکر22 اگست (لیہ ٹی وی )ڈاکٹر عتیق الرحمٰن خان سی ای اوہیلتھ بھکر نے مختلف مراکز صحت کےاچانک دورے کیے اور بنیادی مرکز صحت بڑنگہ میں عملہ کی حاضری چیک کرتے ہوئے عوام کو فراہم کردہ طبی سہولیات کا جائزہ لیا۔انہوں نے دیہی مرکزصحت دلیوالہ کا اچانک دورہ کر کےعملہ کی حاضری، صفائی ستھرائی کی صورتحال سمیت ادویات کی فراہمی کا معائنہ کیا۔دیہی مرکزصحت دلیوالہ میں طبی سہولیات کی فراہمی کا جائزہ لیتےہوئےمجموعی کارکردگی کا بغور مشاہدہ کیا
، صفائی ستھرائی سمیت طبی سہولیات کوبہتر بنانےکے احکامات موقع پر صادر کیے۔بنیادی مرکز صحت جھمٹ شمالی کا بھی اچانک دورہ صفائی ستھرائی سمیت تمام شعبہ جات کا تفصیلی جائزہ لیا۔بنیادی مرکز صحت برکت والا کا دورہ،لیبر روم سمجت تمام شعبہ جات کا تنقیدی جائزہ،صفائی ستھرائی کی صورتحال کا جائزہ لیا۔سی ای او ہیلتھ کا مراکز صحت کے دورے کے دوران مریضوں کی عیادت اور فراہم کردہ سہولیات بارے استفسار، عملہ کی حاضری ،ادویات کی دستیابی کا خصوصی جائزہ لیا۔ انہوں نے کہا کہ عوام کو عمدہ ترین طبی سہولیات کی فراہمی میں کسی قسم کی غفلت برداشت نہیں کی جائے گی۔
