لیہ( نمائندہ لیہ ٹی وی ) وزیر اعلیٰ پنجاب مریم نواز شریف کے احکامات کی روشنی میں پبلک ڈیلنگ اوقات پر عملدرآمد شروع ہو گیا ہے ۔اس سلسلے میں ڈپٹی کمشنر امیرا بیدار نے بھی پبلک ڈیلنگ اوقات میں اپنے آفس میں موجود شہریوں کے مسائل سنے ۔ ڈپٹی کمشنر نے آنے والے ایک بزرگ شہری کا مسئلہ تفصیل سے سنااور اس کی درخواست پر احکامات جاری کرتے ہوئے رپورٹ طلب کر لی ۔
ڈپٹی کمشنر نے کہا کہ وزیر اعلیٰ پنجاب کی ہدایت پر پبلک ڈیلنگ اوقات مقرر کئے گئے ہیں۔ تمام محکموں کے سربراہان کو پابند کیا گیا ہے کہ وہ صبح 10 سے ساڑھے 11 بجے تک دفاتر میں شہریوں کے مسائل سنیں۔ عوام اپنے مسائل کے حل کے لئے مقررہ وقت پر متعلقہ دفاتر سے رجوع کریں۔ افسران کی غیر موجودگی یا مسئلہ حل نہ ہونے کی شکایت پر سخت محکمانہ کارروائی ہوگی۔
