تھانہ چوبارہ کی حدود اڈہ ہیڈویڑری پر ہونے والے دوہرے قتل کا فیصلہ سنا دیا گیا،مرکزی ملزم امجد جاوید ویرڑ کو سزائے موت کے ساتھ دس لاکھ روپے جرمانہ، ساتھی ملزم احمد باعزت بری

لیہ (نمائندہ لیہ ٹی وی)تھانہ چوبارہ کی حدود اڈہ ہیڈویڑری پر ہونے والے دوہرے قتل کا فیصلہ سنا دیا گیا ، باپ بیٹے کو فائرنگ کر کے قتل کرنے والے مرکزی ملزم کو دوبار سزائے موت کا حکم سنادیا گیا، ملزم امجد جاوید ویرڑ کو سزائے موت کے ساتھ دس لاکھ روپے جرمانہ کی سزا بھی دی گئی ہے جبکہ ساتھی ملزم احمد علی کو معزز عدالت نے باعزت بری کر دیا ، ایڈیشنل سیشن جج چوبارہ اختر عباس نے فیصلہ جاری کر دیا، دونوں ملزمان پر ذاتی رنجش کی بنا پر باپ بیٹے کو قتل کرنے کا الزام عائد ہے ،ملزمان نے اسلم اور سجاد کو دوکان میں گھس کر گولیاں مار کر قتل کر دیا تھا